كورس المنتجات الرقمية

اكتر من 250 الف جنيه حققتهم من بيع المنتجات الرقمية خلال اقل من شهر 🤩

موضوع المنتجات الرقمية دا في بالي من زمان ومكنتش راضي اخش فيه الا لما اتقنه كويس، وهو مجال منتشر جدا في اوروبا وامريكا 

فكرته بكل بساطة انك بدل ما تصنع منتج ملموس زي تيشيرت او محفظة او ساعة او أي حاجة محسوسة من اول الإبرة لحد الصاروخ، لأ انت بتعمل منتج رقمي بيوصل للعميل بعد ما يشتريه بواسطة انه يحمله او يجيله على الايميل او عند طريق لينك، المنتج دا بيستفيد منه الشخص بشكل ديجيتال فقط، وعشان نوضح الموضوع دا شوية تعالوا ناخد مثال الكتب او النوت بوك

دلوقتي انت هتكتب كتاب او هتعمل نوت بوك، بعد ما بتكتبه بتتواصل مع مطبعة او دار نشر وتقولهم انا محتاج منكم تطبعولي الف نسخة من دا، هيكلفني كام؟ فرضا المطبعة قالت هيكلفك ١٠٠ الف جنيه باعتبار ان النسخة تكلفتها ١٠٠ جنيه، وبعدها الشحن يقولك انا هاخد منك ٥٠ جنيه على النسخة يبقى اجمالي التكلفة عليك بدون دعاية ولا تصميم ولا اي حاجة هي ١٥٠ الف جنيه

تيجي بقى تبيع مثلا ب ٢٥٠ جنيه، يبقى صافي الربح ١٠٠ جنيه على كل كتاب (دا برضو بدون الدعاية والتصميم وغيره)

فيه بقى اوبشن تاني يغنيك عن انك تكلف نفسك عالاقل ١٠٠ الف جنيه في الاول ولا تخش في ازمة الشحن والاسترجاع والحاجات دي وبرضو هتوفر على العميل اكتر من نص التكلفة عليه 

انت تعمل الكتاب او النوت بوك دي ديجيتال، يبقى انت بعد ما بتخلص كتابة وتصميم بتروح تنشر الكتاب على منصة لبيع المنتجات الرقمية وتعرضه ب ١٠٠ مش ٢٥٠ وبكده العميل هياخد نفس القيمة اللي في الكتاب او النوت بوك باقل من نصف السعر لو جابه مطبوع (هو بقى عايز يطبعه ويبقى معاه نسخة ورقية منه يبقى براحته)

وتبقى انت كسب وكمان العميل بتاعك وفر فلوسه 

فا انا خلال الفترة اللي فاتت اشتغلت كتير على موجهات الذكاء الاصطناعي ودا كان اول منتج رقمي اعمله، قعدت اشتغل فيه كام شهر بشكل متقطع من تجميع وتنسيق وترجمة وخلافه، وطبعا دفعت فيه فلوس اني اشتري نسخة تجارية من بعض الموجهات عشان اضيفها على الملف النهائي، وبعد ما نشرته الحمد لله حققت في اول يوم ٦٠ الف جنيه 

بس بعدها قولت طب ماشي يا كيميا انت متابعك ناس كتير وعرفت انك توصل المنتج بتاعك لناس كتير، ما تجرب تخلي حد تاني يعمل منتج وتشوف هل فيه نتيجة كويسة من وراه؟

وقد كان وخليت زوجتي تشتغل على اول منتج رقمي ليها وتبدأ تحقق حلمها في مجال الصحة النفسية وعملت  دليلك للصحة النفسية: دمج مبادئ الصحة النفسية مع التعاليم الإسلامية، وبرضو الحمد لله مع ان المنتج نازل بأقل من نصف ثمن المنتج بتاعي الا انها حققت فوق ال ١٥ الف جنيه منه مع دعاية بسيطة مني ومنها

والحمد لله أضفت قسم جديد في منصة زدمي خاص بالمنتجات الرقمية عشان تبقى فيها منتجات رقمية كتير

ومش بس كده!! دا كمان انا حابب اني ادي الفرصة لناس اكتر انها تدخل مجال بيع المنتجات الرقمية بكل سهولة 

وعشان كده بقدملكم كورس خاص بشرح كل ما يتعلق بالمنتجات الرقمية من الصفر للاحتراف 

هيتعلموا ازاي يعملوا منتجات رقمية مختلفة 

هننشر المنتجات الرقمية بتاعتهم على منصة زدمي لو منتجاتهم معمولة باحترافية وجودة عالية

الكورس دا كانت تكلفته ١٥٠ دولار وحاليا متاحة المحاضرات بتاعته كلها من خلال اشتراكك في المنصة

هتلاقي ١٥ محاضرة مقسمين ل ٢٦ فيديو وكل فيديو مدته من ساعة لساعتين

يفضل يكون معاك كومبيوتر او آيباد عشان تعرف تعمل المنتجات الرقمية